Бұл – қазақстандық футбол тарихындағы айтулы оқиға. Чемпиондар кубогын 15 рет иеленген мадридтік ұжым алғаш рет Алматыда ресми матч өткізбек. Испания чемпионы атанған 36 мәрте жеңімпаз «галактикостың» ойынын жанкүйерлер өз көзімен тамашалай алады.
УЕФА хабарламасында:
«2025/26 жылғы Чемпиондар лигасының топтық кезеңі 16 қыркүйекте басталып, финал 30 мамырда Будапештте өтеді. Ең үздіктер Еуропаның элиталық командасы атағы үшін сынға түседі», – делінген.
«Қайраттың» Чемпиондар лигасындағы ойындары (Астана уақытымен):
- 19 қыркүйек, 00:00 – сырт алаңда «Спортингпен»
- 30 қыркүйек, 21:45 – Алматыда «Реал Мадридпен»
- 22 қазан, 21:45 – Алматыда «Пафоспен»
- 6 қараша, 02:00 – Миланда «Интерге» қарсы
- 27 қараша, 23:45 – Копенгагенде «Копенгагенге» қарсы
- 9 желтоқсан, 21:30 – Алматыда «Олимпиакоспен»
- 20 қаңтар 2026, 21:30 – Алматыда «Брюггемен»
- 29 қаңтар 2026, 02:00 – Лондонда «Арсеналға» қарсы
Еске сала кетейік, «Қайрат» тарихында тұңғыш рет Чемпиондар лигасының негізгі кезеңіне өтті. Бұл жолда алматылық клуб шотландиялық «Селтикті» тартысты ойында жеңген болатын. Енді оларды Еуропаның ең мықты командалары – «Арсенал», «Интер», «Спортинг», «Копенгаген» күтіп тұр. Дегенмен дәл мадридтік «Реалдың» Қазақстанға келуі күллі ел үшін футбол мерекесіне айналмақ.