«Әкімдікке кандидаттарды ұсыну 28 тамызда басталып, 11 қыркүйек күні сағат 18:00-де аяқталады. Кандидаттарды тіркеу және тиісті куәліктерін беру 16 қыркүйек сағат 18:00-де тәмамдалады», – деп хабарлады қалалық аумақтық сайлау комиссиясы.
Еске сала кетейік, Абай облысына жаңа әкім болып Берік Уәли келген соң, аймақтағы басшылық құрам түбегейлі жаңартылды. Ол Нұрлан Ұранхаев тұсында тағайындалған бірқатар ірі шенеуніктерді қызметтен босатты.
Мәселен, 2024 жылдың желтоқсан айының соңында Семейге әкім болып Талғат Мұратов тағайындалған еді. Бірақ көп ұзамай әлеуметтік желілерде оның ұзақ отырмайтыны жайлы сөз тарады. Нәтижесінде 2025 жылдың сәуірінде қала әкімінің міндетін уақытша оның орынбасары Бекжан Бапышев атқаруға кірісті.