Ұшақ «Ангара» әуе компаниясына тиесілі болған. Бортта 43 жолаушы, оның ішінде бес бала және алты экипаж мүшесі болған.
Ан-24 ұшағы Тында әуежайына қонар алдында екінші айналымға кеткен кезде жоғалып кеткен. Экипаж тарапынан дабыл сигналы берілмеген.
Ан-24 ұшағын іздеу жұмыстары басталды, бірақ Амур облысының таулы тайгасы іздеуді қиындатқан.
Кейінірек Ан-24 ұшағының апатқа ұшыраған орны таулы аймақта табылғаны хабарланды. Апат орнында ұшақтың жанып жатқан фюзеляжы анықталды.
Алдын ала мәлімет бойынша, тірі қалғандар жоқ.
Белгілі болғандай, жоғалған Ан-24 ұшағы шамамен 50 жыл бұрын жасалған. Дегенмен, авиациялық қызметтердің мәліметінше, оның ұшу жарамдылығы сертификаты 2036 жылға дейін ұзартылған.
Бұған дейін Ан-24 ұшағы жоғалып, дабыл бермегені туралы хабарланған. Ұшқыш бірінші талпыныстан қона алмай, екінші айналымға кеткеннен кейін байланыс үзілген.