Қазіргі уақытта қозғалтқыш көлемі 3 литрден асатын көліктерге салынатын салық мөлшерлемесі мынадай:
- 3000–3200 см³ – 35 АЕК
- 3200–3500 см³ – 46 АЕК
- 3500–4000 см³ – 66 АЕК
- 4000–5000 см³ – 130 АЕК
- 5000 см³ жоғары – 200 АЕК
2026 жылдан бастап бұл салықтар төмендетіледі:
- 3000–4000 см³ – 15 АЕК
- 4000 см³ жоғары – 117 АЕК
Мысалы, 2022 жылғы 4 литрлік Toyota Land Cruiser Prado үшін қазіргі есеппен 66 АЕК немесе 273 768 теңге төлеу қажет болса, жаңа ережемен 15 АЕК немесе 62 220 теңге ғана төленеді – бұл төрт есе аз.
Ал қозғалтқыш көлемі 5663 см³ болатын Lexus LX 570 көлігіне салынатын салық 834 241 теңгеден 496 957 теңгеге дейін қысқарады.
Бұдан бөлек, көлік жасына қарай төмендетілген коэффициенттер де енгізіледі:
- 10 жылдан асқан көліктерге – 30% жеңілдік
- 20 жылдан асқандарына – 50% жеңілдік
Бұған дейін вице-премьер Серік Жұманғарин бұл жеңілдік Қазақстандағы 4 миллион ескі көлікке қатысты болатынын айтқан еді. Нәтижесінде азаматтар 30 миллиард теңге үнемдей алады.
Жаңа Салық кодексінің нормалары 2026 жылдың 1 қаңтарынан бастап күшіне енеді.