Ғалымдар Мәрмәр, Эгей және Жерорта теңіздерінде вибриондарды тапты. Дәрігерлер демалушыларға теңіз суының ашық жараға түсу қаупін ескертіп, сақ болуды сұрайды.
- Вибриондар жылы тұзды суда көбейеді. Әсіресе тырысқақ вибрионы ластанған теңіз суы арқылы асқазан-ішек жолына түсіп, тырысқақ ауруын тудыруы мүмкін, бұл ауыр диарея мен сусыздандыруға әкеледі. Түркияда тырысқақ ауруы сирек кездесетініне қарамастан, қауіп нөлге тең емес, дейді Ыстамбұлдағы Флоренс Найтингейл ауруханасының дәрігері Угур Аферин.
Еуропа аурулардың алдын алу және бақылау орталығының (ECDC) соңғы ескертуіне сәйкес, бұрын тек Балтық теңізінде кездесетін вибрион бактериялары қазір Солтүстік теңізде және жабық шомылу аймақтарында да кездеседі. Бактериялар жоғары температурада және төмен тұздылықта дамиды.
