Маманның айтуынша, 2014 жылдан бері:
- жалпы сырқаттанушылық — 43%-ға;
- балалар арасында сырқаттанушылық — 50,3%-ға;
- ауру таралуы — 52%-ға;
- өлім-жітім — 75,6%-ға төмендеген.
«Аурудың таралуы мен өлім көрсеткішін төмендету — БҰҰ тұрақты даму мақсаттары аясында 2025 жылға жоспарланған межелер еді. Алайда Қазақстан бұл көрсеткіштерге бір жыл бұрын, 2024 жылы-ақ қол жеткізді», — деді Аденов.
2025 жылдың алғашқы алты айында да оң динамика жалғасқан:
- сырқаттанушылық — 13,9%-ға;
- таралу — 16,1%-ға;
- балалар арасындағы сырқаттанушылық — 6,7%-ға;
- өлім-жітім — 20%-ға азайған.
Сондай-ақ белсенді туберкулезбен есепте тұрғандардың саны да төмендеген. 2024 жылдың қорытындысы бойынша, бұл көрсеткіш 56%-ға азайып, 8,7 мың адамды құраған. 2025 жылдың жартыжылдығында тағы 609 адамға кеміген.
Мамандар туберкулезді ел көлемінде толық жоюды 2035 жылға дейін жүзеге асыруды көздеп отыр.