Қайтыс болған курсант – Бақыт Асарбаев биыл тамызда 19 жасқа толар еді. Ол аталған әскери оқу орнының екінші курсында оқыған. Halyqstan Telegram-арнасының хабарлауынша, Бақыт әскери отбасында тәрбиеленген: әкесі – Астана гарнизонында қызмет ететін полковник, туған ағайындары да – әскери қызметшілер.
Қорғаныс министрлігі марқұмның денесін елордаға жеткізуді өз мойнына алып, отбасына тиісті көмекті көрсететінін мәлімдеді. Министр Даурен Косанов Бақыт Асарбаевтың туған-туыстарына көңіл айтты.
Бұған дейін Астанадағы авиациялық база аумағында әскери қызметкердің қауіпсіздік талаптарын сақтамауы салдарынан ауыр жарақат алғаны хабарланған болатын. Бұл ақпаратты ҚР Қорғаныс министрлігінің Әуе қорғаныс күштері растады.
