— Dragon капсуласы суға қонды, Жерге қош келдіңіздер, — делінген компанияның X әлеуметтік желісіндегі жазбасында.
DW мәліметіне сүйенсек, капсула ХҒС-тан 14 маусымда ажыраған. Ғарышкерлер орбитада шамамен үш аптаболды, бастапқыда сапар екі аптаға жоспарланған болатын.
Crew Dragon ғарышқа Axiom Space және SpaceX компаниялары бірлесіп ұйымдастырған Ax-4 миссиясыаясында ұшырылды. Кемені ұшыру бірнеше рет кейінге шегерілген — бірде Falcon 9 зымыранындағы сұйық оттек ақауы, енді бірде станция модуліндегі жөндеу жұмыстары себеп болған.
Экспедиция құрамында Жерге оралғандар:
Пегги Уитсон – NASA-ның бұрынғы астронавты, экипаж командирі (бұл – оның бесінші ғарыш сапары);
Шубханшу Шукла – Үндістандық ұшқыш;
Славош Узнаньски-Вишневски (Польша) және Тибор Капу (Венгрия) – Еуропа ғарыш агенттігінің өкілдері.
БАҚ деректеріне қарағанда, мұндай жеке ғарыш сапарына билет құны шамамен 70 миллион еуро тұрады.
Бұл – Axiom Space компаниясының ХҒС-на ұйымдастырған төртінші жекеменшік миссиясы. Сонымен қатар, бұл сапар – станцияға жасалған ең ұзақ коммерциялық экспедиция ретінде тіркеліп отыр.
Жеке миссиялар – NASA-ның жаңа стратегиясының бір бөлігі. Агенттік алдағы уақытта Ай мен Марсқа бағдарланған бағдарламаларға назар аударып, Жер төңірегіндегі орбитаны коммерциялық секторға беруді жоспарлап отыр.
