Асхат Нұрмашев Перизат Қайрат жетекшілік еткен қорға не себепті 200 млн теңге аударғанын түсіндірді.
Оның сөзінше, Перизат Қайрат Абу-Дабидегі гуманитарлық хабпен байланысы бар екенін айтқан.
Осылай, «Asar-Ume» қоры халық жинаған 293 млн теңгенің 200 миллионын Перизат Қайраттың шотына аударып жіберген.
«Перизат Қайрат бізден қалған 93 млн теңгені өзінің жеке шотына аударуды сұрады.Ол есеп бергеннен кейін, біз келісімшарт талаптары бұзылуына байланысты 93 млн теңгені аудармау туралы шешім қабылдадық», — дейді Асхат Нұрмашев.
Перизат Қайрат басқарған қорға палестиналықтарға көмек үшін жалпы 566 миллион теңге көлемінде қаржы жиналған.
Бұл қаржының 7 миллион теңгесі ғана Палестина елшілігінің шотына аударылған. Қалғаны жеке мақсатқа жұмсалған.
