Төтенше жағдай орнында түсірілген видео әлеуметтік желілерде тарап жатыр. Оқиғаның себебі – "заправка" шлангісінің үзіліп кетуі.
Алдын ала мәлімет бойынша, кәсіпорын аумағындағы екі газ сақтағыш отқа оранып, артынша Volvo маркалы газ таситын көлік жарылған.
Тоғыз адам зардап шеккен, олардың сегізі ауруханаға жеткізілді. Жарақат алғандардың арасында — Көкшетаудан келген газ жеткізушілер мен көмекке келген құтқарушылар бар.
Қазір дәрігерлер күйік шалып, түрлі деңгейдегі жарақат алғандардың өмірі үшін күресіп жатыр.
eGov порталындағы ақпаратқа сәйкес, «Тайынша май» ЖШС – май өнімдерін өндірумен айналысатын кәсіпорын. Ол Қытайдың ауыл шаруашылығы мен халықаралық логистикаға маманданған «Айцзюй»корпорациясына тиесілі.