Аталған шара Еуропалық Одақ пен Қазақстан Республикасы арасындағы Кеңейтілген серіктестік және ынтымақтастық туралы келісім (EPCA) аясында, Қазақстан Республикасының Ішкі істер министрлігімен бірлесіп және Қазақстан Республикасы Бас прокуратурасы жанындағы Құқық қорғау органдары академиясының техникалық қолдауымен ұйымдастырылды.
Семинарға жаңадан құрылған отбасылық-тұрмыстық зорлық-зомбылықпен күрес жөніндегі бөлімшелердің қызметкерлері, тәжірибелі заңгерлер, тұрмыстық зорлық-зомбылықтан зардап шеккендерге көмек көрсететін ұйымдардың өкілдері, сондай-ақ халықаралық сарапшылар қатысты. Қатысушылар өзекті мәселелерді талқылап, Қазақстан Республикасында тұрмыстық зорлық-зомбылық құрбандарын қорғау шараларын жетілдіруге бағытталған практикалық стратегиялармен бөлісті.