Алматы облысының Іле ауданында екі инспектор 17 жастағы қызға қызметтік көлікпен "Саяхат" автовокзалына жеткізіп тастауды ұсынғаннан кейін жұмыстан босатылды. Бұл туралы аудандық мәслихат депутаты Нұрлан Байғазиев Instagram парақшасында мәлімдеді, деп хабарлайды newsroom.kz.
Депутаттың айтуынша, ол кәмелетке толмаған қызды аялдамалардың бірінде полицей көлігінің жанынан байқап қалған. Қыз тәртіп сақшыларының қалаға апарып тастауды ұсынғанын айтқан.
Тексеру нәтижесінде Байғазиев полицейлерді жұмыстан шығару туралы шешім қабылданғанын анықтады.
Оқиғаға қатысты басқа мәліметтері жарияланған жоқ.
NewsRoom.kz қосымшасын жүктеп, жаңалықтардан хабардар болыңыз
Орнату
