Билеттерді сату 11 сәуір күні сағат 11:00-де басталды. Алғаш минуттарда 50 000-нан астам адам өздеріне және достарына билет сатып алуға ниет білдірді, бұл «Астана Арена» стадионының сыйымдылығынан көп.
Компания, сондай-ақ, билеттердің сатылуы басталғанға дейін ғаламтор желілерінде билеттерді сату туралы алаяқтық жарнамалар мен концертке қатысты жалған ақпараттар пайда болғанын атап өтті.
Дженнифер Лопестің Астана қаласындағы концертіне билеттер тек https://ticketon.kz/ ғана сайтында сатылады.Сайтқа келушілердің саны көп болуына байланысты виртуалды кезек қолданылады, ол бір уақытта сайтқа кірген пайдаланушылар санын шектейді. Бұл шара сайттың қалыпты жұмысын сақтап қалуға көмектеседі. Қазіргі кезде күту уақыты туралы ақпарат сайтта көрсетілген. Компания көрермендерден осы жағдайды түсіністікпен қабылдауды сұрайды,- делінген мәлімдемеде.
