"Батыс Қазақстан облысы полиция департаменті уәкілетті қызметтермен бірлесіп, Жәнібек ауданында ұшқышсыз ұшу аппаратына ұқсас заттардың табылуына байланысты тексеру шараларын жүргізіп жатыр", – деп мәлімдеді ведомствоның баспасөз қызметі.
Полицияның хабарлауынша, табылған нысан елді мекендерден алыс, шалғай жерде анықталған. Қазіргі уақытта оқиғаның барлық мән-жайы анықталуда.
Айта кетейік, бұған дейін облысқа қарасты Тасқала ауданына да белгісіз пилотсыз ұшақ құлағанын хабарлаған едік.