"Қазақстан Республикасының еңбек сіңірген әртісі, актриса, композитор Дариға Тілендиева 79 жасқа қараған шағында дүниеден өтті. Жамбыл атындағы Қазақ мемлекеттік академиялық филармониясы мен Н.Тілендиев атындағы Академиялық фольклорлы-этнографиялық «Отырар сазы» оркестр ұжымы, Дариға Тілендікелінінің қызы оркестрдің көркемдік жетекшісі және бас дирижері Қазақстанның еңбек сіңірген қайраткері, «Парасат», «Құрмет» ордендерінің кавалері Динара Нұрғисақызы Тілендиева мен ағайын-туыс, жақындарының қайғысына ортақтасып көңіл айтады",- деп жазды Жамбыл атындағы Қазақ мемлекеттік академиялық филармониясы.
Дариға Тілендиева 1946 жылы 4-ші тамызда Алматы облысы Көксу ауданында дүниеге келген. "Қазақфильм" киностудиясының 2 жылдық курсын, Абай атындағы Қазақ педагогикалық институтын 1980 жылы бітірген.
Алғаш рет "Қазақфильм" киностудиясында түсірілген "Құлагер", содан кейін "Ақ машина", "Алтыжасар Алпамыс", "Қоштасқым келмейді", "Жамбылдың жастық шағы", тағы басқа көркем фильмдерінде әр түрлі рөлдерді сомдады.
Сонымен қатар Дариға Тілендиева 1993-2010 жылдар аралығында Н.Тілендиев атындағы академиялық фольклорлы-этнографиялық оркестрінде конференьсе қызметін атқарды.«Қайран менің Нұрекем», «Қазақстан Республикам менің», «Қараталым», «Махамбет баба» атты көптеген ән-күйлердің авторы.
