Бортта болған жолаушылар әлеуметтік желілерде ұшақ ішінде түтіннің иісі сезілгенін, кейін жарықтың да өшкенін жазды. Олардың айтуынша, экипаж мүшелері қобалжып, жағдайды толық түсіндіре алмаған. Кейіннен командир №1 қозғалтқыштың істен шыққанын хабарлаған. Қуанышқа орай, Air Astana әуе компаниясы ұшақтың Ақтауға сәтті қонғанын мәлімдеді.
Куәгерлердің сөзінше, ұшақ күрт төмендеп, қатты дірілдей бастаған. Осы сәтте жолаушылардың бірі тілін кәлимаға келтірсе, енді бірі үрейге бой алдырмауға тырысқан. Ұшақ аман-есен қонған сәтте, көпшілігі көз жастарына ерік бергенін айтады.
Экипаж №1 қозғалтқыштағы май деңгейінің төмендеуі туралы техникалық ескертуді негізге ала отырып қауіпсіздік хаттамасына сай әрекет еткен. Ал жолаушылар резервтік ұшаққа отырғызылып, сапарларын жалғастырған.