Қолына пышақ ұстаған ер адам әуежай қызметкерін кепілге алып, рюкзагында "бомба" бар деп жолаушыларды қорқытқан. Бұл жағдайға байланысты құқық қорғау органдары үш қылмыстық іс қозғады:
- Кепілге алу (ҚР ҚК-нің 261-бабы 2-бөлігі 4-тармағы) – мүлкі тәркіленіп, 7 жылдан 12 жылға дейін бас бостандығынан айырылуы мүмкін.
- Қару қолдану арқылы бұзақылық (ҚР ҚК-нің 293-бабы 3-бөлігі) – 3 жылдан 7 жылға дейін бас бостандығынан айыру қарастырылған.
- Терроризм актісі туралы жалған хабар тарату (ҚР ҚК-нің 273-бабы) – 5000 АЕК көлемінде айыппұл немесе 5 жылға дейін бас бостандығынан айыру жазасы тағайындалуы мүмкін.
ІІМ оқиғаның мән-жайын анықтау үшін жедел-тергеу тобын құрғанын мәлімдеді. Қазіргі таңда зардап шеккендер жоқ. Сот шешімімен күдікті екі айға қамауға алынды.
Министр Ержан Саденовтың тапсырмасымен елдегі барлық әуежайлар мен теміржол вокзалдарында қауіпсіздік жүйесін тексеру жұмыстары басталды. Басты назарда:
- осал тұстарды анықтау,
- ықтимал қауіптердің алдын алу,
- бақылауды күшейту,
- қауіпсіздік қызметкерлерін оқыту,
- құқық қорғау органдарымен бірлескен іс-қимылды нығайту.
ІІМ жағдай толық бақылауда екенін және болашақта осындай оқиғалардың алдын алу үшін қажетті шаралар қабылданатынын атап өтті.