Сібір елігі - бұғылар тұқымдасының ең кішкентай өкілдерінің бірі. Аталығының салмағы 35 келіден аспайды, дене ұзындығы шамамен 130 сантиметр, ал биіктігі 80 сантиметрге жуық. Көлемі шағын болғанымен, елік өте епті әрі шапшаң жануар саналады.
Ал орман сусары - Еуропа мен Азияның жалпақ жапырақты және аралас ормандарын мекендейтін жыртқыш сүтқоректі. Ол денесінің сымбаттылығымен және үлпілдек құйрығымен ерекшеленеді.
Ұлттық парк мәліметінше, орман сусары Қазақстанның Қызыл кітабына енгізілген сирек сүтқоректілердің бірі. Ал сібір елігі парк аумағында мекендейтін тұяқты жануарлардың қатарында.
