Мемлекет басшысының жарлығымен Арман Оразбаевич Кырыкбаев Қазақстан Республикасы Президентінің ішкі саясат және коммуникациялар жөніндегі көмекшісі болып тағайындалды.
Ол бұған дейін Президент Әкімшілігінің Коммуникациялар бөлімінің меңгерушісі қызметін атқарған.
Арман Кырыкбаев 1976 жылы 20 қазанда Целиноград қаласында дүниеге келген. ҚазМУА мен ҚР Сыртқы істер министрлігінің Дипломатиялық академиясын бітірген, экономист-халықаралық мамандығына ие.
Еңбек жолын ҚР Сыртқы істер министрлігінде бастаған. Әр жылдары Алматы қаласы және Қарағанды облысы әкімдіктерінде, Мәдениет және ақпарат министрлігінде, сондай-ақ «Nur Otan» партиясында басшылық қызметтер атқарған.
Мемлекеттік басқару және қоғамдық-саяси салада мол тәжірибесі бар.
