Маңғыстау облысы әкімдігінің мәліметінше, соңғы күндері қаза тапқандардың денелерін анықтау бойынша тынымсыз жұмыстар жүргізілді. Анықтау кезінде ДНҚ талдауы жүргізіліп, жақын туыстары қатысты.
"Маңғыстау облысының әкімдігі қаза тапқандардың жақындары мен туыстарына қайғырып көңіл айтады. Жергілікті атқарушы орган өкілдері апаттан зардап шеккендердің және қаза тапқандардың отбасыларына жан-жақты қолдау көрсетуді жалғастырады", - делінген мәліметте.
