Жаңа жыл қарсаңында ұлттық тасымалдаушы 2024 жылдың 31 желтоқсанында қатынайтын пойыздарға билеттерге 25% жеңілдікпен сатылымға шығарды.
Бұл мүмкіндік алыс сапарларды қолжетімді бағамен жоспарлауға тамаша жағдай жасайды.
Жеңілдік тек купе вагондарына арналған билеттерге қолданылады. Билеттерді 1 желтоқсанға дейін сатып алу қажет, себебі арнайы науқан мерзімі шектеулі.
Науқан келесі бағыттар бойынша пойыздарға таралады:
- №26 «Шымкент – Алматы»
- №86 «Шымкент – Астана»
- №12 «Шымкент – Алматы-2»
- №77/78 «Алматы – Маңғыстау»
- №47 «Астана – Атырау»
- №691/692 «Атырау – Ақтөбе»
- №313 «Маңғыстау – Атырау»
- №605/606 «Балқаш – Қарағанды»
- №351/352 «Алматы-2 – Өскемен-1»
- №34 «Ақтөбе – Алматы-1»
Билетті ресми сайтынан немесе вокзалдардағы билет кассаларынан алуға болады.
Осыған дейін сайтта ел азаматтары жаңа жыл қарсаңында неше күн демалатынын хабарлаған болатынбыз.