Таиланд премьер-министрі Сеттха Тхависин Қазақстан, Өзбекстан және Грузия азаматтары үшін 60 күндік визасыз режимді енгізу туралы қаулыға қол қойғанын мәлімдеді. Үкімет сайтындағы хабарламаға сәйкес, шара 93 елдің азаматтарына қатысты және 15 шілдеде күшіне енеді,-деп хабарлайды newsroom.kz
Таиландта жұмыс пен демалысты 180 күнге дейін біріктіретін Таиланд визасы 15 шілдеде күшіне енеді. Виза муай-таймен айналысуға, медициналық процедуралардан өтуге және мәдени іс-шараларға қатысуға қолданылады. Destination Thailand Visa бес жылға шығарылады деп жоспарланып отыр. Бірақ рұқсат етілген елде болу мерзімі 180 күн + 180 күн.
Destination Thailand Visa үшін визалық алым виза беру кезінде алғашқы 180 күн үшін 10 мың бат (шамамен 130 мың теңге) және тағы 180 күнге ұзарту үшін 10 мың бат болып белгіленген. Екінші кезең аяқталғаннан кейін Таиландта қалу үшін шетелдік виза түрін өзгертуі керек. Оны елден шықпай-ақ жасауға болады.
Destination Thailand Visa визасын алушы заңды жұбайы мен 20 жастан асқан балаларына тұруға рұқсат ала алады. Өтініш беруші Таиландта болу мерзіміне 500 мың бат (6,5 миллион теңге) көлемінде қаржылық кепілдік беруі қажет.