Оңтүстік Кореяда шетелдік әйелдерді елге алдап шақырып, жезөкшелікпен айналысуға мәжбүрлейтін қылмыстық топ ұсталғанын хабарлайды stan.kz сілтеме жасаған newsroom.kz порталы. Қыздармен әлеуметтік желі арқылы танысып, Кореядан жұмыс ұсынған. Осылай қармағына түскендердің бірі - 20 жасар қазақстандық бойжеткен. Кореяға барғаннан кейін қыздың төлқұжатын алып, зорлап, видеоны таратамын деп қорқытып, оны жезөкшелер үйіне тапсырған. Чеджу провинциясында орын алған жағдайға байланысты іс қаралып, сот шешімі бойынша айыпталушылар бір жылдан үш жылға дейін бас бостандығынан айырылды. Шетелдік әйелдерді жезөкшелікпен айналысуға мәжбүрледі деп айып тағылғандардың бірі - 40 жастағы Қазақстан азаматы.
Жезөкшелікке сатылған қазақ қызы
Қазақстандық 20 жасар бойжеткенді Кореялық жезөкшелер үйіне сатып жіберген.
