Алматы қаласының санитарлық-эпидемиологиялық бақылау департаментінде ЖРВИ-мен сырқаттанушылық бойынша эпидемиологиялық жағдай туралы белгілі болды, деп хабарлайды Newsroom.kz, Tengrinews.kz. сілтеме жасай отырып.
СЭБД мәліметтері бойынша, қазіргі уақытта қалада жіті респираторлық вирустық инфекциялармен (ЖРВИ) сырқаттанушылық бойынша эпидемиологиялық жағдай тұрақты.
"Өткен аптада ЖРВИ-ның 25 115 жағдайы тіркелді, 100 мың тұрғынға шаққандағы көрсеткіш 1174,17 құрады, бұл өткен жылдың сәйкес кезеңіндегі көрсеткіштен 4,6 %-ға және өткен аптадағы көрсеткіштен 21,4 %-ға жоғары. 65,1% аурушаңдық балалар санына байланысты. Қазіргі уақытта тұмаудың зертханалық расталған жағдайлары тіркелген жоқ, риновирус сияқты басқа да тұмаусыз ЖРВИ вирустары таралуда",-деді Алматы қаласы санитарлық-эпидемиологиялық бақылау департаменті басшысының орынбасары Әсел Қалықова.
СЭБД мамандарының мәліметінше, ағымдағы жылы қауіп тобындағы адамдарды вакцинациялау үшін жергілікті бюджет қаражатына Ресейлік өндірістегі "Гриппол плюс" үшвалентті вакцинаның 250 мың дозасы сатып алынған болатын.
Алматы қаласында 2023 жылғы 25 қыркүйектен бастап қауіп тобындағы адамдарға тұмауға қарсы вакцинация басталған. 27 қыркүйектегі жағдай бойынша қаланың медициналық ұйымдарында тұмауға қарсы 18 348 қауіп тобындағы адам вакцинацияланды. Тұмауға қарсы екпелер ағымдағы жылдың қараша айының соңына дейін жүргізіледі.