Қызылорда облысында болған қайғылы жол апаты кезінде екі адам бақилық болды, деп newsroom.kz хабарлайды El.kz ақпараттық агенттігіне сілтеме жасап. Оқиға 12 тамыз күні түнгі сағат 03:00 шамасында Қызылорда-Жалағаш тасжолында Жалағаш ауданы Ақсу ауылының тұсында тіркелді. Апат кезінде Toyota автокөлігінің жүргізушісі басқару жүйесіне ие бола алмай қалған.
Жол апаты салдарынан 2 жолаушы көз жұмып, жүргізушімен қоса қалған бес адам түрлі жарақаттар алды. ҚР ҚК 345-бабының 4-бөлігімен сотқа дейінгі тергеп-тексеру әрекеттері жүргізілуде. Тиісті сараптамалар тағайындалды. Оқиғаның мән-жайы анықталып жатыр, - деп жазылған ІІМ таратқан ресми ақпаратта.