Қазақстандықтардың жеке медициналық қызметтерге көңілі көбірек толады

Денсаулық сақтау қызметі 22% көбейді, деп хабарлайды newsroom.kz.

Биыл наурызда 15 жастан асқан 12 мыңға жуық респондент қатысқан «Халықтың өмір сүру сапасы» сауалнамасының нәтижесі бойынша, мемлекеттік денсаулық сақтау саласының сапасына қанағаттану деңгейі 39,9% болды, 2022 жылы 34,8% болған. Бұл ретте қанағаттанбайтындардың үлесі 6,9%-дан 6,5%-ға дейін төмендеді. Сонымен қатар, ішінара қанағаттанатын қазақстандықтардың үлесі де 55,4%-дан 51,1%-ға дейін төмендеді. Мемлекеттік денсаулық сақтау қызметтерінің қолжетімділігіне қанағаттанатын қазақстандықтардың үлесі 41,8%-дан 44,5%-ға дейін өссе, ішінара қанағаттанатындар үлесі 50%-дан 47,2%-ға дейін төмендеді. Мемлекеттік денсаулық сақтау қызметтерінің қолжетімділігіне қанағаттанбау деңгейі өзгеріссіз қалды: 5,6%. Ал жекеменшік медициналық қызмет көрсету сапасына қанағаттану деңгейі мемлекеттік қызметтер сапасына қарағанда жоғары: 48,7%, бір жыл бұрын бұл көрсеткіш 45,5% болған. Ішінара қанағаттанғандардың үлесі төмендеді: 45,6%-дан 43,4%-ға дейін. Қанағаттанбағандардың үлесі өзгеріссіз қалды: 2,8%. Жеке меншік медициналық қызметтердің қолжетімділігіне қанағаттанған қазақстандықтардың үлесі бір жылда 41,8%-дан 45,6%-ға дейін өсті, ішінара қанағаттанғандар үлесі 48,6%-дан 46,2%-ға дейін төмендеді. Жеке меншік денсаулық сақтау қызметіне көңілі толмайтындардың үлесі де төмендеді: 4,3%-дан 3,3%-ға дейін. Биыл бірінші тоқсанда денсаулық сақтау және әлеуметтік қызмет көлемі былтырғы сәйкес кезеңмен салыстырғанда 21,6% көбейіп, 719,2 млрд теңгеге жетті. Оның бірден 95,7%-ы немесе 688,5 млрд теңгесі денсаулық сақтау саласында көрсетілген қызметке тиесілі болды. Оның көлемі бір жылда 21,5% өсті. Тағы 24 млрд теңге және 6,7 млрд теңге тиісінше тұрғын үймен әлеуметтік қызметке және тұрғын үйсіз қызметке тиесілі болды.