Қазақстандықтардың орташа жұмыс уақыты аптасына 38 сағат, деп хабарлайды newsroom.kz.
Биыл бірінші тоқсанында елімізде 9 млн адам жұмыспен қамтылды, бұл бір жыл бұрынғыдан 0,8% артық.
Жұмыспен қамтылғандардың басым бөлігі — ҚР-дағы жалпы санның 76,7%-ы белгіленген максималды жұмыс істеді: аптасына 36–40 сағат. Олардың саны бір жылда 0,6% өсіп, 6,9 млн адамға жетті.
Тағы 14,3% артық жұмыс істеген: аптасына 41 сағат немесе одан да көп. Мұндай адамдар 1,3 млн болды, бұл бір жыл бұрынғыдан 8,2% аз.
Аптасына 35 сағаттан аз 679,2 мың адам жұмыс істеді, бұл бір жыл бұрынғыдан 30% артық. Оның ішінде 2,5 мың адам 5 сағат және одан аз жұмыс істеді, 40,2 мың адам — 6–10 сағат, 90,1 мың адам — 11–15 сағат, 74,5 мың адам — 16–20 сағат, 241,7 мың адам — 21–25 сағат, 79,9 мың адам — 26–30 сағат, 150,4 мың адам — 31–35 сағат жұмыс істеді.
Қазақстандықтардың орташа жұмыс уақыты аптасына 38 сағат. Соның ішінде ерлер — орта есеппен 40 сағат, әйелдер — 37 сағат.
Жынысы бойынша апталық максималды жұмыс істейтін ерлер осылай жұмыс істейтін әйелдерден көп. Сондай-ақ, ер адамдар шамадан тыс жұмыс істеуге бейім болды. Осылайша, аптасына 36–40 сағат жұмыс істейтін ерлердің саны 3,5 млн, бұл әйелдерден 149,9 мыңға көп. 41 және одан да көп сағат жұмыс істеген 854,8 мың ер болса, әйелдер одан екі есе аз, 414,1 мың.
Аптасына 35 сағатқа дейін жұмыс істейтіндердің арасында 383,3 мың әйел, 295,9 мың ер адам болды. Айырмашылық 29,5%-ды құрады.
Жасы бойынша 35–44 жас аралығындағы адамдар жиі жұмыс істеді: 378,4 мың адам — бір жыл бұрынғыдан 11,6% аз. «Еңбекқорлардың» арасында мына топтар да бар: 45–54 жас (283,1 мың адам) және 29–34 жас (242,7 мың адам). Жастар арасында 16–24 жас аралығындағы 122,5 мың адам, 25–28 жас аралығындағы 128,8 мың адам 41 сағат және одан да көп жұмыс істеген. Сондай-ақ 55–64 жас аралығындағы 137,2 мың адам, 65 және одан жоғары жастағы 2,6 мың адам артық жұмыс атқарған.
Аптасына 35 сағатқа дейін 15 жастағы — 38 адам, 16–28 жастағы — 104,7 мың адам, 29–34 жастағы — 107,4 мың адам, 35–44 жастағы — 155,4 мың адам, 45–54 жастағы — 147,9 мың адам, 55–64 жастағы — 120,8 мың адам және 65 және одан жоғары жастағы 43 мың адам жұмыс істеді.
