ҚР ЕДБ депозиттері 1 мамырда 31 трлн теңгені құрады. Бұд бір ай бұрынғыдан 1% немесе 323,9 млрд теңгеге аз. Үздік ондыққа кіретін депозит қабылдайтын банктердің ішінде тек 3 ЕДБ көрсеткіштерін көбейтті, деп хабарлайды newsroom.kz. Ірі банктер арасында абсолютті көшбасшы — Bereke Bank: бір айда 3,1% (немесе 32 млрд теңгеге) өсіп, 1,1 трлн теңгеге жетті. Бір қызығы, жыл сайынғы динамика бойынша да банк көшбасшы: бірден 2,8 есе. Іс жүзінде банк бұрынғы бас компаниядан (ресейлік Сбербанк) қалған мәселелерді еңсеріп, биыл тұрақты өсім жолына түсті. Еске салайық: Ресейдің Сбербанкіне Ресейдің Украинаға басып кіруіне байланысты 2022 жылдың сәуірінде санкция салынған болатын. Нәтижесінде Сбербанктің қазақстандық еншілес ұйымы да санкцияға ұшырады. Былтыр тамыз айында еншілес банктің барлық акцияларын «Бәйтерек» ұлттық басқарушы холдингіне сату туралы келісімге қол қойылғаны хабарланған болатын. Былтыр қыркүйек айынан бастап банк 100% қазақстандық болды. Сол айда банк қайта тіркеуден өтіп, Bereke Bank деп аталды. Биыл Bereke Bank санкциялардан толық босатылды және барлық сегменттер — депозит бойынша да (1, 2) және несие бойынша да (1, 2) елеулі белсенділік танытты. Банк сондай-ақ депозиттер сегментіндегі триллионер банктер қатарына қосылды.
Жүктелуде...