Қазақстанда ең танымал 10 брендтің қатарына қытайлық көліктер кірді. Олар: Chery, JAC, Exeed және Haval.
Айтпақшы, қытайлық брендтер Қазақстан нарығындағы өз үлесін айтарлықтай арттыра алады: Astana Motors Қытайдың жетекші үш автоалыбы — Changan, Chery және Haval автокөліктерін шығаратын зауыт салуды бастайды. Жақын арада бұл көліктер қазақстандықтарға сатыла бастамақ, деп хабарлайды newsroom.kz.
Ал Geely, Yutong және JAC Trucks ең жақсы сатылған 20 брендтердің қатарында.
Қытайлық брендтер биыл ерекше танымал: мысалы, қаңтар–наурызда олардың сатылымдағы үлесі 2022 жылдың қаңтар–наурызындағы 5,9%-бен салыстырғанда 17,7%-ға жетті.
Биыл қазақстандық автоөндірушілер мен дистрибьюторлар жалғасып жатқан жартылай өткізгіш дағдарысын және АҚШ пен Қытай арасындағы «санкциялық соғыстардың» нашарлауын ескере отырып, автокөлік компоненттерін жеткізетін елдердің санын көбейтіп, жеткізу тізбегін тұрақты етуді талап етіп отыр.
Қазақстан нарығында қытайлық брендтердің көбейе бастаған кезінде басқа да брендтер өз өндірсін арттырып жатыр.
Айта кетерлігі, автокөлік өнеркәсібіне жанармай бағасының өсуі мен жанармай тапшылығы әсер етіп отыр. Бұл қазақстандықтарды үнемді шағын автокөліктерді таңдауға итермелеуі мүмкін.
Сонымен қатар, электрокөліктер де ҚР нарығына барған сайын белсенді түрде шыға алады, әсіресе Қытай бұл сегментте де елеулі орын алды.
