Халықтың кедейлігіне ашынған депутат тыржалаңаш шешініп тастаған

«Мені тыржалаңаш көру Сіздер үшін ұят емес. Бірақ Сіздер өз халқыңызды көшеде жалаңаяқ, жалаңбас көру ұят емес пе? Оларға тиесілі байлық пен болашағын ұрлау ұят емес пе?» - деп Парламент қабырғасында үстіндегі бүкіл киімін шешіп тастаған Мексика депутаты Антонио Гарсия Конехоның әрекеті Әлемді шарлап кетті. Бұл туралы house_of_cards_qr телеграм каналына сілтеме жасаған newsroom.kz порталы жазады. Ерсі әрекетімен Әлемді таңқалдырған депутат 1971 жылы дүниеге келген. Биыл ердің жасы елуге келіп отыр. Мичоакан штатынан сайланған халық қалаулысы. Ақпарат агенттіктерінің жазуынша, тыржалаңаш шешінген депутат ауқатты әулеттен шыққан. Мичоакан штатының губернаторы Сильвано Ауреолес Конехо оның өгей ағасы көрінеді.