newsroom.kz порталы асықпай қартаю үшін не істеу керек деген материал аясында келесідей лайфхақтар тізімін ұсынады:
- Велосипед сатып алыңыз.
- Біреуді жақсы көріңіз. Біреуге ұнау туралы ой ғана бізді тәртіпке келтіре алады.
- Азыңыз. Тамақты тарта жеңіз. Жас келе дене мен бетті күту керек екендігі түсіне бастайсыз.
- Кешкі жетіден кейін аштан қиналсаңыз да ас жемеуге тырысыңыз.
- Күңкілдеген күншілдікті лақтырып тастаңыз.
- Сегіз сағаттан аз ұйықтаңыз.
- Ақшаның оңай тауып, оңай жаратыңыз. Бұл өмірден кредит картасын ана өмірге алып кеткен ешкім жоқ.
- Демалыңыз! Жылына кемі екі рет.
- Байқампаз болыңыз. Бар нәрсеге қызығып жүріңіз. Ауруыңызды айта бергеннен көрі әр нәрсені қызықтаған әлдеқайда артық.
- Болмайтын нәрсеге қуануды үйреніңіз. Мәселен, құстың шырылдағаны, күннің шыққаны секілді дүниеге ерекше қуаныңыз. Бәлкім, ондай сәтті көрмей қалуыңыз да мүмкін ғой…
- Комфорт пен люксты бақытпен шатастырып алмаңыз…
- «Қорқамын» деп еш айтпаңыз.
- Түнде асығыс жұмысқа жүру керек болса, ұйықтаңыз. Өмірден озып кеткеннен көрі, жұмыстан ұйықтап қалған дұрыс.
- Жомарт болыңыз.
- Әлемдік деңгейдегі түрлі теорияларға сене бермеңіз. Көбі өтірік .
- Жеңіл болыңыз. Көп ойланып, қиялдана бермеңіз. Әрекетте болыңыз!
«Бастысы соғысты бастау керек, сосын көреміз», – деп Наполеон жиі айтқан. Иә, оның өмірінің соңы өкінішті болды. Бірақ қандай өмір сүрді?! Келісесіз бе?
- Құстар сияқты бүгінгі күнмен өмір сүріңіз. Кеше кетті, ертең ол ертең. Қазір ғана шын өмірде осы тексттерді оқып отырсыз.
- Еңкейіп бүгіле бермеңіз.
- Жас көрінем деп тыраштанбаңыз. Кәрі түйе ойнақтаса жұт болар дейді қазақ мақалы…
- Өмірге шағым айтып жылаңқылана бермеңіз. Мүлде!
Бастысы – аузында әзілі жоқтың белінде шоқпары бар. Күліп жүріңіз!
Сайран Хамзиннің әлеуметтік желідегі парақшасынан тәржімалап, тігісін жатқызған Жүмәділ ЖАПАБАЙ
