Ақбұлақ шағын ауданында атыс болғаны туралы хабарлама әлеуметтік желілерде пайда болды деп жазады newsroom.kz порталы aikyn.kz сілтеме жасап. Алматыдағы жекеменшік тұрғын үйден тұрғындарды мәжбүрлеп көшіру кезінде атыс болды, 5 адам қайтыс болды, деп хабарлады қалалық полиция департаменті. Алдымен Ақбұлақ шағын ауданында атыс болғаны туралы хабарлама әлеуметтік желілерде пайда болды.
«Алматының Алатау ауданындағы Ақбұлақ шағын ауданында 17.00-де атыс болды. Үйден көшіріп шығару кезінде 1978 жылғы осы үйдің тұрғыны жанжал шығарып, атыс қаруынан сот орындаушыларды, учаскелік полиция инспекторларын, ТЖД қызметкерлеріне оқ атты», – делінген хабарламада.
5 адам, соның ішінде екі полиция қызметкері жарақаттанып көз жұмды.
«Күдікті залалсыздандырылды және ұсталды. Қазіргі уақытта жағдай бақылауда. Қылмыстық іс қозғалды. Тергеу шаралары жүргізілуде», – деп хабарлады полициядан.
Қаза тапқан полиция қызметкерлері: Алатау аудандық ПБ ЖПҚБ учаскелік инспекторы, полиция майоры Сүлеев Дархан Дауылбайұлы 1982 жылы туған. Алатау аудандық ПБ ЖПҚБ учаскелік инспекторы, полиция капитаны Байғазиев Нұрбол Назарбайұлы 1988 жылы туған.