Ақмола облысында сарбаз оққа ұшты

Ақмола облысы Степногорск қаласында сарбаз атылып өлді, - деп хабарлайды NewsRoom+ ақпарат агенттігінің тілшісі  Tengrinews.kz сайтына сілтее жасап. Бұл туралы Ұлттық ұланның баспасөз қызметі мәлімдеген. "22 сәуірде сағат 7:30 шамасында № 3517 әскери бөлімінде (Степногорск қаласы) мерзімді әскери қызметтегі қатардағы Б.А. Рашев есімді сарбаз түзету мекесемінде қарауылда болған. Онда ол өзіне қарумен оқ атқан. Оқ басына тиіп, сарбаз алған жарақатынан қайтыс болды", - делінген хабарламада. "ҚР Ұлттық ұлан бас қолбасшысының бұйрығымен оқиғаның мән-жайын анықтау үшін қызметтік тексеріс басталды. "Орталық" өңірлік қолбасшылығы оқиға орнына арнайы топ жіберді. Қызметтік тексерістің қорытындысы жарияланады", - делінген хабарламада.