Полиция Алматы облысында итті көлігіне байлап, жол бойымен сүйреген жүргізушіні ұстады. Ер адам өзінің қатал әрекетін түсіндірді, деп хабарлайды Tengrinews.kz ке сілтеме жасаған Newsroom+ақпарат агенттігі.
Әлеуметтік желілерде жануарға қатысты қатыгездік туралы видео жарияланғаннан кейін полиция көлік жүргізушісін іздей бастаған. Аймақтың полиция департаментінің мәліметінше, оқиға 20 тамызда таңертең Құлжа трассасында болған.
«Нәтижесінде Еңбекшіқазақ ауданының 37 жастағы тұрғыны ұсталды. Алдын ала мәліметтер бойынша сотталушының қоқыс шығарумен айналысатыны анықталды. Ер адамның айтуынша, жолдың жанындағы өлі итті байқаған ол итті көлікке байлап, адам жоқ жерге сүйреп апаруды ойлаған. Бұл дәлелдердің шынайы екені қазір расталып жатыр», - деп түсіндірді департаменттің баспасөз қызметі.
Сондай-ақ аталған факт бойынша Алматы облысы Еңбекшіқазақ ауданының полиция басқармасы «Жануарларға қатыгездiк жасау» бабы бойынша қылмыстық іс қозғаған.
Итті жол бойымен сүйреген адамның әрекеті белгілі болды
Итті жол бойымен сүйреген адамның әрекеті белгілі болды