Бұхара қаласындағы жеті тарихи-мәдени ескерткіш ЮНЕСКО-ның бүкіләлемдік мұра тізіміне ұсынылады. Бұл туралы
Newsroom+Ақпарат агенттігі Түркі академиясы халықаралық ұйымының
ресми порталына сілтеме жасап хабарлайды.
Атап айтқанда, олардың қатарында: Чор-Бакр және Бахауддин Накшбанди кешендері, үздік сәулет нысандары саналатын Вобкенттегі минарет және Чашмай Аюб кесенесі, сондай-ақ Бұхара облысы аумағындағы ежелгі Пойкент, Варахша және Вардонзе қалашықтары бар.
Бұл ЮНЕСКО-ның бүкіләлемдік мұра тізіміне енгізілген нысандар санының артуына, сондай-ақ Өзбекстанға туристер ағынының өсуіне ықпал етеді деп күтілуде. Қазіргі уақытта Бұхара облысында 829 материалдық және мәдени мұра саналатын нысандар мемлекеттік қорғауда.
