Қостанайда қылмыстық істер жөніндегі ауданаралық сотта онлайн режимде төрт жасар баланың өліміне қатысты іс қаралды.
Прокурор күдіктіні 20 жылға бас бостандығынан айыруды сұрады, деп хабарлайды Newsroom+Ақпарат агенттігі Sputnik Қазақстан сайтына сілтеме жасап.
Жантүршігерлік оқиға Қарасу ауданында биыл 17 наурызда болған. Аудандық полицияның кезекші бөліміне төрт жасар баланың денесі табылғаны туралы хабарлама түседі. Оқиға орнына келген полицейлер 65 жастағы ер адамды ұстады.
Ол мас күйінде сұмдық қылмысқа барған. Зейнеткер бірге тұрып жатқан әйелдің немересін алдымен ұрып-соғып, одан кейін қырық литрлік ыдыстың ішінде суға батырып өлтірген.