Күні кеше Мәскеуде Жеңістің 75 жылдығына орай, салтанатты шеру өткен болатын. Қазақстанның қарулы күштерінің десанттық-шабуылдаушы әскерінің сарбаздары Мәскеудің Қызыл алаңымен жүріп өтті. Олардың шеруін мемлекет басшысы Қасым-Жомарт Тоқаев орнынан тұрып, құрмет көрсетті. Дәл осы сәт күн суретіне айналды деп жазады NewsRoom+ақпарат агенттігі.
Бір қарағанда жай сурет деп қарауға болады. Алайда ол президентіміздің Отан үшін жанын қиған ата-бабаларымызға тағзым етуі. Сондықтан да болар бұл сурет ешкімді де бей-жай қалдырмағаны анық.
Еске сала кетсек, парад жүргізушісі болса қазақстандық жауынгерлерді "Қазақстан Республикасының қарулы күштерінің үздік құрылымы" деп таныстырды. Салтанатты шеруге қазақстандық сарбаздар Үндістандық әскерлерден кейін саппен шықты.
Күн суреті: Тоқаев еліміздің жауынгерлеріне орнынан тұрып құрмет көрсетті
Күн суреті: Тоқаев еліміздің жауынгерлеріне орнынан тұрып құрмет көрсетті