Адам күнделікті өмірде тәртіпті қарапайым жағдайлардан аңғарады: өтініш берсе — уақытында жауап алуы, құжат рәсімдесе — артық әуре-сарсаңсыз өтуі, әкімдікке жүгінсе — түсінікті түсіндірме естілуі, ал құқық бұзушылыққа тап болса — заңды жолмен қорғана алуы қажет.
Мұндай тәртіп мемлекеттік аппараттан қатаң жауапкершілік пен тәртіпті талап етеді. Лауазымды тұлғаның шешімі нақты негізге сүйенуі керек, ал сот актісі заңға арқа сүйеуге тиіс.
Сонымен бірге мемлекеттік қызмет те өтініш иесіне түсінікті, алдын ала белгілі қағидалар бойынша көрсетілуі қажет. Бұл азамат пен билік арасындағы өзара іс-қимылды реттеудің маңызды шарты саналады.
Жаңа Конституция ел үшін құқықтық тәртіпті жалпыға ортақ қағида ретінде орнықтырады. Қағидалар неғұрлым қатаң сақталса, соғұрлым өз бетінше шешім қабылдауға, бейресми келісімдерге және кездейсоқ әрекеттерге орын азаяды.
