Украинаның шығысындағы Краматорск қаласында екі азаматтық автобусқа жасалған Ресейдің сырғымалы бомба соққысынан кемінде 30 адам қаза тапты, деп хабарлады құтқару қызметі. Донецк облысының басшысы Вадим Филашкин тағы 18 адамның жараланғанын айтты.
Оның сөзінше, Ресей автобустардағы жолаушыларды көздеп, барынша көп бейбіт тұрғынды өлтіруге тырысқан. Шабуылдан кейін жергілікті прокуратура жариялаған суреттерде автобус қаңқасы жанып жатқан күйде және жолдағы қираған заттар мен құрбандар көрінеді.
Краматорск қауымдастығына кіретін Биленьке ауылында да үш адам қаза тапқан. Қала іргесіндегі Славянскпен бірге Краматорск Ресей басып алуға ұмтылып отырған Донбастың өнеркәсіптік өңіріне кіретін бекініс белдеуінің бір бөлігі саналады.
Украина президенті Владимир Зеленский бұл соққыға жауап болатынын айтып, одақтастарынан «нақты әрекет» қажет екенін мәлімдеді. Ол Telegram желісіндегі жазбасында Ресей Донбастағы бүкіл тіршілікті жойғысы келетінін, ал әлем бұған қатаң жауап беруі тиіс екенін жазды.
Краматорск қалалық кеңесі бұл шабуылды Ресей армиясының бейбіт тұрғындарға қарсы жасаған «сұмдық қылмысы» деп атады. Кеңес өкілдері қаладан кетпеген азаматтарға Украинаның қауіпсіздеу аймақтарына көшуге үндеді.
Бұл соққы Украина аумағындағы шабуылдар күрт жиілеген тұста жасалды. БҰҰ дерегінше, биыл тамызға қарай Украинада қаза тапқан бейбіт тұрғындар саны 2025 жылы толық бір жылда болған көрсеткіштен де асып түскен.
