Құрылтай Бюросының отырысы қаза тапқан әскери қызметшілерді бір минут үнсіздікпен еске алудан басталды. Құрылтай төрағасы Айбек Дәдебай қаза болғандардың отбасылары мен жақындарына көңіл айтты.
Депутаттар көмек көрсету үшін жеке қаражатынан ерікті түрде қаржы жинауды қолдаған. Жиналған қаражат «Ұлттық рух» қорына аударылады. Қаражат жинау әлі де жалғасып жатыр.
Айдарбек Қожаназаров, Руслан Идрисов, Мейірхат Қасымбаев, Бекжан Айтқұлов және Махамбет Хасенов 20 млн теңгеден аударған.
Дана Медеуова, Айжан Наимбекова және Бауыржан Жамалов 10 млн теңгеден, Тұрарбек Тілемісов, Мұратбек Мұхамбедиев және Мұса Хайруллиев 5 млн теңгеден берген. Бегалы Ералиев 500 мың теңге аударған. Қалған депутаттар да қаржылай көмек көрсеткен.
