Арман Исагалиевтің дипломатиялық қызметтегі тәжірибесі мол. Ол еңбек жолын әл-Фараби атындағы Қазақ ұлттық университетінде бастаған.
2000 жылдан бастап Қазақстанның Мысырдағы елшілігінде қызмет атқарды. Кейін Дубай мен Солтүстік Әмірліктердегі Қазақстанның Бас консулы болды. Әр жылдары Қазақстанның Мысырдағы, Алжирдегі және Тунистегі Төтенше және Өкілетті Елшісі қызметтерін атқарған.
2020 жылдан бері Қазақстанның Катар мемлекетіндегі Төтенше және Өкілетті Елшісі болды. Енді ол Сыртқы істер министрінің орынбасары лауазымында жұмысын жалғастырады.
