Баланың анасы Альбина Кузьмина қызын ішінің ауыруына байланысты бірнеше рет ауруханаға апарғанын, тексеру мен УДЗ жасауды сұрағанын айтады. Алайда дәрігерлер әр жолы нақты көмек көрсетпестен, үйіне қайтара берген.
Кейін баланың жағдайы күрт нашарлап, оған перитонит асқынуымен өткен жедел аппендицит диагнозы қойылды. Бүлдіршінге шұғыл түрде ота жасалды.
Оқиға қоғамда үлкен резонанс тудырып, жағдайға Денсаулық сақтау министрлігі мен бала құқықтары жөніндегі уәкіл Динара Закиева араласты. Олар баланың анасымен байланысқа шығып, Алиса санитарлық авиация арқылы Астанаға жеткізілді.
Анасының айтуынша, ота жасаған хирург өз қателігін мойындап, УДЗ-ны ертерек жүргізу қажет болғанын растаған. Дәрігерге қатаң сөгіс жарияланды.
