Сапалы білім – елдің интеллектуалдық қуатының басты көрсеткіші. Бүгінгі таңда білім беру жүйесі тек ақпарат беруші емес, тұлға қалыптастырушы институтқа айналуда.
«Білім беру саласы өмірмен тығыз байланыста болуы керек. Сабақ пен өмір арасындағы көпірді орнатпай, нағыз білімді қоғам қалыптаспайды» дейді ардагер ұстаз Камали Сейітов.
Ол сондай-ақ мұғалім мәртебесін көтерудің маңызын айтады. Қазіргі ұстаз – тек пән иесі емес, заманауи технологияны меңгерген, оқушыны ертеңгі өмірге бейімдейтін тұлға. Мұғалімнің кәсіби дамуы – білім сапасының кепілі.
