Марқұм 3 қыркүйекке қараған түні дүние салған. Ол көзі тірісінде жүрек қысымы мен омыртқа остеохондрозына байланысты дәрігерлердің бақылауында болған. Облыстық денсаулық сақтау басқармасының мәліметінше, қарт кісі ешқашан жарақатына қатысты дәрігерге жүгінбеген әрі шағым түсірмеген.
– Туыстары дер кезінде өлім жағдайы туралы хабарламағандықтан, медициналық қызметкерлер тиісті анықтама бере алмады. Қазіргі таңда мәйіт қайта қазылып алынып, сараптама жүріп жатыр. Қорытындысы қосымша жарияланады, – деді басқарма өкілдері.
Бұған дейін, Шардарада науқас Қарияны өз баласы ұрып-соққаны туралы және оларға қандай жаза қолданылатыны туралы жазғанбыз.
