Оқиға сәуір айында спортзалдың ішінде болғанымен, тараптар полицияға тек жақында ғана жүгінген.
Математика пәнінің мұғалімі әріптесінің бетіне қолы байқамай тиіп кеткенін, тек амандаспақ болғанын айтқан. Алайда тарих пәнінің мұғалімі бұл әрекетті қорлау деп түсініп, екеуара әңгіме соңы жұдырықтасуға ұласқан. Салдарынан математиктің жақ сүйегі сынып, тарихшы мұғалімнің мұрны сынып, денесіне көгерген іздер қалған.
Мектеп әкімшілігі оқиға кезінде ешбір тарап медициналық көмекке де, басшылыққа да жүгінбегенін айтып отыр. Сол себепті төбелес ресми түрде тіркелмеген.
Қазір білім ордасында педагогикалық кеңес өткізу жоспарлануда. Ал полиция бұл факті бойынша тергеу амалдарын бастады. Екі тараптың да әрекетіне заң тұрғысынан баға берілетін болады.
