Ұшалардың ыдырауына қарағанда, табылған итбалықтар өткен жылдың қараша-желтоқсан айларында өлген.
Түпқараған ауданы Баутин ауылы әкімдігінің, Түпқараған аудандық ішкі істер бөлімі мен балық шаруашылығы бірлестігінің Маңғыстау облыстық филиалының қызметкерлері санитарлық талаптарды сақтай отырып, теңіз жағалауынан 5 шақырым жерде жатқан итбалықтардың өлекселерін жинап, полигонда жойды. 2024 жылдың қарашасынан бері табылған өлі итбалықтардың жалпы саны 2194-ке жетті, деп атап өтті Балық шаруашылығы комитеті.
Сонымен қатар, ақтаулық блогер Азамат Сәрсенбаев Instagram желісінде Форт-Шевченко қаласында Каспий жағалауында ересек итбалықтардың 50-ден астам өлексесін тапқанын хабарлады.
