Әлеуметтік желіде ер адамның пышақпен екінші адамды қуып, оған қоқан-лоқы көрсеткен видеосы тарады.
Оқиға орнында болған әйел шабуылдаушыны тоқтатуға тырысты, оның танысы болуы мүмкін.
Полицияның мәліметінше, бұл туралы ресми арыз түспеген. Алайда Талғар аудандық полициясы бұл оқиғаны жедел түрде тіркеп, жанжалға қатысушыларды анықтады.
Тексеру нәтижесінде олар 37 жастағы және 31 жастағы аудан тұрғындары екені белгілі болды. Екеуі де полиция бөліміне жеткізіліп, заң аясында жауапкершілікке тарту үшін тексеру жүргізілді.
Белгілі болғандай, жанжалдың себебі тұрмыстық дау болған. Оқиғаға қатысқан әйел жанжалдасушылардың бірі — өзінің күйеуі, екіншісі — бауыры екенін айтып, оларды сабырға шақырған.
Қазіргі уақытта жағдай толық реттеліп, тараптардың бір-біріне қоятын шағымдары жоқ екені хабарланды.
