Талғарда өлтірілген 16 жастағы Шерзат Болаттың достары үй өртенбес бұрын Азат ауылында кейінгі күндері нөмірін шешіп тастаған белгісіз көліктер ауылды торуылдап жүргенін айтады,- деп хабарлайды newsroom.kz порталы Ulysmedia.kz сайтына сілтеме жасап.
-Нөмірлерін шешіп тастаған көліктерді көрдік. Садовая көшесінен жақта кірді. Ішінде балалар болған. Досым да көрген. Мерседес "Қабанды" көрдік. "Азат" ауылын толық аралап жүретін. Алдыңғы күні 102 нөміріне хабарласып көрейін деп едім, олар тұтқаны көтермеді. Телеграм арнаға да жібердім. Олар "факт, видео керек" деді, - дейді Шерзаттың достарының бірі.
Шерзаттың тағы бір досы қара Прадо көлігімен нөмірсіз бір жас балалар жүрді, ақ "Қабан" да көшенің бас жағына келіп, кішкене тұрып кетіп қалған. Асықпай, жан-жақтағы адамдарға қарап жүретін,-дейді.
