Қандай адам стресске түседі?

Белгілі автор Шразаддин Каниязов kitap.al подкастында қандай адам депрессияға түсетінін айтты,-деп хабарлайды newsroom.kz.

"Ойы, сөзі, ісі бірікпейтін адам стресске түседі. Яғни, ойлағанын айтатын, оны істейтін адам ешқашан депрессия, стресске түспейді,-деді Шразаддин Каниязов.

                                                                                             Айта кетейік, стресс (ағыл. stress) қатты куйзелу, абыржу, мөлшерден тыс ширақтылық деген сияқты бірнеше мағынаны қамтитын жалпылама сөзбен айтылған адамның ерекше куйі. Ғылымға ең алғаш ең алғаш осы ұғымды енгізген канадалық физиолог Ганс Селье. Оның анықтамасы бойынша, стресс - өте жағымсыз әсерлерге жауап ретінде туған организмнің қалыпсыз бейімделу әрекеттерінің жинағы. Адамның жеке ерекшеліктеріне, мінезіне, жоғарғы жүйке әрекетінің типтеріне орай стрестің бірнеше түрлері байқалады.                                Стресс үш кезеңнен тұрады:                                                                                                                                
1) үрейлену - жағымсыз тітіркендіргіш әсер еткен сәтте туатын жауаптың алғашқы кезеңі. Таңырқау іспетті сезім пайда болады;                                                                                                                 2) төзімділік – жағымсыз тітіркендіргіш әсеріне беріліп кетпей, оған төзу реакциясы туады. Бұл кезде гипоталамус-гипофиз жуйесінің ықпалымен бүйрек үсті безінің гормондарының мөлшері қанда тез мөлшерде көбейіп кетеді. Симпатикалық жүйке жүйесінің әсерімен жүректің соғу ырғағы жылдамданады, тыныс алу ырғағы да жиілене түседі. Бұлшық еттердің жиырылу қабілеті күшейеді;                                                                                 3) әлсіреу – бейімделу қорының мүикіндігі азайып, таусылады, сондықтан психологияда дезадаптация (бейімделудің нашарлап жойылуы) пайда болады.                        
Ал, құрметті оқырман, сіздің ойыңыз бен іс-әрекетіңіз бір арнаға тоғысып, бірігіп жүр ме?