Аяқталған 2022/2023 оқу жылында еліміздің жалпы білім беретін мектептеріндегі оқушылар саны 3,7 млн-ға жетті, бұл бір жыл бұрынғыдан 3,1% көп,- деп хабарлайды newsroom.kz.
Ең көп өсім мегаполистерде байқалды: Алматыда — 5,3%, 331,4 мың адамға дейін, Шымкентте — 4,8%, 251,6 мың адамға дейін, Астанада — 12,1%, 238,2 мың адамға дейін.
Оңтүстік астана ҚР мәдени-ағарту орталығы ретінде дәстүрлі түрде білім саласындағы түрлі жобаларды жүзеге асырудың флагман рөлін атқарып келеді.Атап айтқанда, Алматыда жүзеге асырылып жатқан маңызды пилоттық жобалардың бірі — мектеп автобустары. Жоба қала әкімі Ерболат Досаевтың тапсырмасымен қолға алынған және ҚР-дағы мұндай ауқымды жобаның алғашқысы.
ҚР-ның жаңа аудандарындағы немесе қала маңындағы көлік инфрақұрылымы балалардың мектепке ыңғайлы жетуіне әрқашан мүмкіндік бере бермейді.
Сондықтан биылғы оқу жылының 1 қыркүйегінен бастап Алматыда қазақстандықтар бұрын тек фильмдерден ғана көрген дәстүрлі сары автобустар жұмыс істей бастады. Жобаны жүзеге асыру үшін қала бюджетінен 6,1 млрд теңге бөлген көрінеді.